Naupang pawngsual chinfel thuaina tura kaihhruaina
(i) Naupang pawngsual chungchang complaint chu record nghal vat tur a ni a, a dik thei ang bera record tur a ni bawk. Pawngsual hi a tuartuin (victim) emaw mita hmutuin (eyewitness) emaw midang tupawhin (anyone) emaw an complaint thei a, non-governmental organisation aiawh (representative) pawhin hetiang thil a thleng a nih thu an dawn chuan an complaint thei. Case hi hetianga kalpui tur a ni:
a) Officer, SI aia hniam lo, duhthusamah chuan hmeichhe police officer-in an buaipui ang
b) Record hi a sawi ang chiah chiah (verbatim) a ni tur a ni.
c) Record-tu hi ciil dress-in a inthuam tur a ni
d) Recording hi police station-ah kher tih tur a ni lo va, a tuartu chenna inah pawh tih theih a ni.
(ii) Complaint-tu hi naupang pawngsual tawktu a nih chuan a reportna officer hian naupang pawngsual tawktu chu a thusawi record a nih hma hian rilru leh awm nuam taka a siam a pawimawh hle. Hei hi thil thlen dan dik tak record a nih theih nan a tangkai dawn a, he thila pawimawh thei awm chi zawng zawng dik takin naupang pawngsual tawktu chuan a sawi thei dawn a ni. A theih chuan psychiatrist-in a pui tur a ni bawk;
(iii) Investigation Officer hian khuaikhem tawktu leh a titua puh te medical examination hi darkar 24 chhungin Cr. PC Sec 164 A angin neihtir se duhthusam a ni. Chief Medical Officer hian I.O. ngenna a dawn veleh medical examination neih nghal a nih theih nan thu a pe (instruction a chhuah) tur a a ni. Gynecologist hian pawngsualtu a enfiah (examine) laiin thil thlen dan (history of incident) a record ngei tur a ni.
(iv) Case register a nih veleh investigation team chuan dan bawhchhiatna finfiahna (evidence) tur nena inkaihhnawih thil an hmuh theih zawng zawng lakhawm turin dan bawhchhiatna thlenna hmun (scene of crime) an tlawh nghal tur a ni. Pawngsual tawktuin tan a khawh ve dan nia a sawi nena inkaihhnawih thil emaw pawngsualtua puhin tharum hmangin a nawr lui nia sawi emaw nena inkaihhnawih thil hmuh theih a awm chuan a thla lak tur a ni.
(v) Investigation Officer chuan pawngsual tawktu thuamhnawte a lakhawm ang a, a pawngsualtua puh pawh hi man a nih chuan a laksak bawk ang a, ni 10 chhungin forensic thiamna hmanga zirchian (analysis) a, baw (semen) a awm leh awm loh a kai leh kai loh chhui turin a thawn ang a, blood group a inmil leh inmil loh report a la bawk ang a, DNA atanga chhuina pawh a theih chuan a ti ang.
(vi) Forensic lab chuan ngaihpawimawh hmasakah neiin a lo analyse ang a, thla hnih chhungin report a pe hman tur a ni.
(vii) Case chhui hna hi officer SI aia hniam lovin ngaihpawimawh hmasakah neiin a thawk tur a ni a, a theih hram chuan case register atanga ni 90 chhungin zawh ngei tur a ni. Chak tak leh tha taka chhui a nih ngei theih nan senior officer-te hian a khat tawkin an enpui reng tur a ni.
(viii) A that zawk dawn phawt chuan pawngsual tawktu thusawi chu Cr. PC Section 164 hnuaiah record nghal vat zel tur a ni.
(ix) Pawngsual tawktu leh a chhungte nihna hi thup tlat tur a ni a, venhim tur an ni bawk. IO/NGO-te hi hemi chungchangah hian an fimkhur hle tur a ni.
TRIAL COURT/THUBUAI NGAIHTUAHTU COURT
i) Fast Track cort-ah duhthusamah chuan hmeichhe judge hnuaiah midang pawlh loh (in camera)-in ngaihtuah tur a ni.
ii) Court boruak hi naupang tan a nelawm tur a ni.
iii) A theih chuan recording hi video conferencing/pawngsual tawktu leh pawngsualtua puhte inhnai taka an awm lohna tura thil remchangah neih tur a ni.
iv) Magistrate hian charge sheet thehluh atanga ni 15 chhungin court a hawng tur a ni.
-----------------------
He guidelines hi National Human Rights Commission-in an duan a ni a, Ministry of Women & Child Development, Government of India-in rawtna chi hrang hrang a siam belh hnuah a remchan dana telh lehin National Human Rights Commission chuan Ministry of Women & Child Development-ah a thawn leh a (vide D.O. 8/3/-PRP&P, July 12, 2007 of Joint Secretary, National Human Rights Commission), Ministry of Women & Child Development chuan he dan bawhchhiatna nasa tak hi tanpuina mumal tak dawng lova tuar tumah an awm lohna turin he guidelines hi State leh UT zawng zawngin an lo hman atana thawn chhuak ta a ni (vide Dy. No. 698/2007-CW-I, 6th August, 2007 of Joint Secretary, Ministry of Women & Child Development, Government of India). Mizoram sorkar pawhin hei hi Mizoram Deputy Inspector General of Police, hnenah 10th September, 2007 khan zawm tura ngenin a hriattir a ni (vide Memo No. B.12011/5/01 – SWD).